ព្រះវិហារ៖ ក្រុមបុរាណវិទូនៃអាជ្ញាធរជាតិព្រះវិហារ និងក្រុមបុរាណវិទូនៃប្រទេសឥណ្ឌា បានចាប់ផ្ដើមបើកការដ្ឋានកំណាយបុរាណវិទ្យានៅប្រាសាទព្រះវិហារ ដែលជាការងារស្ថិតក្នុងគម្រោងរួមគ្នានៃប្រទេសទាំងពីរ។
កំណាយចាប់ផ្ដើមនៅឦសាននៃគោបុរៈទី៥ ប្រាសាទព្រះវិហារ កាលពីថ្ងៃព្រហស្បតិ៍ ទី១១ ខែសីហា ឆ្នាំ២០២២ ដើម្បីស្វែងយល់អំពីបច្ចេកទេសរៀបចំគ្រឹះសំណង់គោបុរៈទី៥ និងដើម្បីប្រមូលទិន្នន័យរៀបចំឯកសារអភិរក្ស និងជួសជុលឡើងវិញ។
តាមការគ្រោងទុកការធ្វើកំណាយស្រាវជ្រាវបុរាណវិទ្យានេះមានរយៈពេល៣០ថ្ងៃ ដែលដឹកនាំដោយប្រធាននាយកដ្ឋានអភិរក្ស និងបុរាណវិទ្យា បណ្ឌិត អ៊ា ដារិទ្ធ។
កម្ពុជានិងឥណ្ឌា បានចុះហត្ថលេខារួមគ្នាលើកិច្ចព្រមព្រៀង សម្រាប់អភិរក្ស/ជួសជុលប្រាសាទព្រះវិហារ ក្នុងពេលដែលរដ្ឋមន្ត្រីការបរទេសឥណ្ឌា លោកស្រី ស៊ុសម៉ា ស្វារ៉ាច ធ្វើដំណើរទស្សនកិច្ចមកកាន់ប្រទេសកម្ពុជាកាលពីខែសីហា ឆ្នាំ២០១៨៕
ព័ត៌មានជាច្រើនទៀតសម្រាប់អ្នក
